Տնօրեն`  ԹԱԹՈՒԼ ԶԱՎԵՆԻ ՍՅՈՒՆԻ

  Ծնվել է  1963  թվականին, Սիսիանում: 1981թ.ավարտել է Սիսիանի թիվ  3  միջնակարգ դպրոցը:1989թ.  Երևանի պետական համալսարանի պատմության ֆակուլտետն ավարտելուց հետո  աշխատել է Հայաստանի պատմության պետական թանգարանի Սիսիանի նորաստեղծ մասնաճյուղում՝  որպես ավագ գիտաշխատող:

1993-1994 թթ.զբաղեցրել է պատգամավորների Սիսիանի շրջանային խորհրդի «Որոտան» պաշտոնաթերթի խմբագրի պաշտոնը:  1994-1995 թթ.աշխատել է Սիսիանի շրջխորհրդի գործադիր կոմիտեում,  որպես մշակույթի բաժնի վարիչ:

1992-1993  և  1997-2011թթ. պատմագիտական   և   հասարակագիտական առարկաներ է դասավանդել Սիսիանի պետական հումանիտար քոլեջում:

Թաթուլ Սյունին 1996 թվականից զբաղվում է վաղմիջնադարյան Սյունիքի  և  առանձնապես Սիսիան քաղաքի պատմության ուսումնասիրությամբ,  որի արդյունքն են «Էջմիածին» հանդեսում 1997թ.և  2000թ.հրապարակված հոդվածները և 2007 թվականին Մոսկվայում հրատարակված «Սյունիվանքը» աշխատությունը (66 էջ):

  2003թ.  Սիսիան համայնքի ավագանին հաստատել  է  նրա նախաձեռնությամբ ստեղծված Սիսիան քաղաքի զինանշանը:

1999-2008 թթ.ուսումնասիրել է հայ քաղաքական կուլտուրայի պատմությունը:

2008  թվականից առայսօր ԹաթուլՍյունու գիտական գործունեության գլխավոր ոլորտը հայ ժողովրդի կազմավորման հիմնախնդրի ուսումնասիրությունն  է: Նա 2017թ.ՀՀ  ԳԱԱ հնագիտության և  ազգագրության ինստիտուտին  է ներկայացրել «Ուրարտուի արքաները՝  հայոց սուրբ Թուխ մանուկների պատմական նախատիպեր» աշխատությունը  (230 էջ):

Ամուսնացած է,  ունի երկու դուստր:

Թանգարանում աշխատում է փոքրաթիվ կոլեկտիվ, որի կողմից հաջողությամբ իրականացվող աշխատանքները պայմանավորված են սիրով և նվիրվածությամբ դեպի գործը, փոխվստահության մթնոլորտով, և ձգտումով` երբևէ չդառնալ մշակութային ծայրամաս: